BREAKING NEWZZ:RAIS MAGUFULI AFANYA UTEUZI MPYA,AMTEUA HASSAN ABBAS KUWA MSEMAJI WA SERIKALI..

TANGAZO 1

Rais John Pombe Magufuli kupitia WAZIRI wa Habari, Utamaduni, Sanaa na Michezo, Nape Nnauye, amemteua Bw. Hassan Abbas, (pichani) kushoto , kuwa Mkurugenzi mpya wa Idara ya Habari Maelezo, akichukua nafasi iliyoachwa wazi na Bw. Assah Mwambene ambaye alihamishiwa Wizara ya Mambo ya Nje na Ushirikiano wa Afrika Mashariki, Kikanda na Kimataifa.

Akitangaza uteuzi huo ofisini kwake jijini Dar es Salaam, Agosti 9, 2016, Nauye aliwaambia waandishi wa habari kuwa, kufuatia uhamisho wa Bw. Mwambene uliofanyika Machi 7, 2016, ilibidi mchakato wa kujaza nafasi hiyo uanze na kwa mujibu wa sheria za Utumishi wa Umma Namba 8 ya mwaka 2002 kifungu cha 6(1) na (b) Bw. Abbas ameteuliwa kujaza nafasi hiyo kuanzia Agosti 5, 2016.

Kabla ya uteuzi huo, Bw. Abbas ambaye kitaaluma ni Mwandishi wa Habari, alikuwa Meneja Habari na Mawasiliano katika Ofisi ya Rais inayosimamia utekelezaji wa Program ya Matokeo Makubwa Sasa (Presidential Delivery Bureu).

Miongoni mwa majukumu ya Mkurugenzi huyo, ni pamoja na kuwa Msemaji Mkuu wa Serikali na Mkuu wa vitengo vyote vya serikali vinavyoshughulika na masualaya mawasiliano ya Umma, alisema Waziri Nape.

Akizungumzia uteuzi huo Bw. Abbas alisema, yeye alianza kama mwandishi wa habari wa kujitegemea (correspondent), ambapo alikuwa kilipwa kwa habari anayowasilishana kutumika, na kisha kuwa mwandishi wa habari wa kawaida kabla ya kupandishwa cheo na kuwa mhariri wa habari na baadaye kuwa kaimu mhariri na kabla ya kupanda cheo na kuwa mhariri kamili.

Waziri Nape alichukua nafasi hiyo kumshukuru aliyekuwa akikaimu nafasi hiyo, Bi. Zamaradi Kawawa na kumuelezea kuwa aliifanya kazi hiyo kwa uadilifu na kujituma kwa kusimamia majukumu yote ya Idara kwa ukamilifu.